Yn wreiddiol o Ynys Môn, enillodd y soprano, Llio Evans, radd dosbarth cyntaf o Goleg Brenhinol Cerdd a Drama Cymru cyn mynd ymlaen i dderbyn MA gydag anrhydedd o Academi Llais Rhyngwladol Cymru. Yn enillydd sawl gwobr gan gynnwys Gwobr Goffa Osborne Roberts, Gwobr Dame Anne Evans, a Gwobr Ryng-Golegol Russell Sheppard, mae Llio yn gyn-aelod o Opera Ieuenctid Prydain ac Opera Cenedlaethol Ieuenctid Cymru a bu hefyd yn Artist Ifanc Alvarez gyda Garsington Opera lle derbyniodd Wobr Leonard Ingrams.

​

Mae rhai o'i uchafbwyntiau diweddar yn cynnwys Celia Iolanthe i English National Opera; Josephine yn HMS Pinafore i Opera Holland Park; Iris Semele i Garsington Opera; Beatrice ym mhremier y DU o Three Decembers gan Jake Heggie gyda Opera Della Luna yn Wilton's Music Hall; Melanto Il ritorno d'Ulisse in patria a Zerlina Don Giovanni i Longborough Festival Opera; unawdydd soprano yn The Danube gan Janáček gyda Cherddorfa Genedlaethol Cymru y BBC o dan arweiniad Otto Tausk ar BBC Radio 3, ac unawdydd a chyflwynydd rhaglen Nadolig BBC NOW Christmas Classics From Around The World ar BBC Radio Wales.

Mae perfformiadau nodweddiadol eraill yn cynnwys The Little One ym mhremier y DU o The Golden Dragon (Peter Eötvös) i Music Theatre Wales; a Cilla yn Waxwings i English Touring Opera; Phyllis Iolanthe (Charles Court Opera); Musetta La Bohème (Opera d'Amore); Clorinda La Cenerentola (HighTime Opera); Blonde Die Entführung aus dem Serail (Pop-Up Opera); Yum-Yum The Mikado, Gretel Hansel and Gretel (Co-Opera Co.) a Susanna The Marriage of Figaro a Pamina The Magic Flute (Opera’r Ddraig). Mae hi hefyd wedi dirprwyo rhannau Despina Così fan tutte a Mimi Vert-Vert (Garsington Opera); ac Ilia Idomeneo (English Touring Opera). Gellir clywed Llio yn canu rhan Barbe ar grynoddisg o The Beauty Stone gan Arthur Sullivan gyda Cherddorfa Genedlaethol Cymru y BBC, o dan arweiniad Rory Macdonald ar label recordio Chandos, ac Y Fon yn opera Gymraeg newydd Stephen McNeff a Gruff Rhys, 2117/Hedd Wyn, ar gyfer Opera Cenedlaethol Cymru sydd wedi'i gynhyrchu gan Tŷ Cerdd.

​

Fel artist cyngerdd cyson, ma rhai o'i uchafbwyntiau diweddar yn cynnwys Mendelssohn Elijah (St John's Smith Square, Three Choirs Festival gyda Philharmonia Orchestra); Schubert Der Hirt auf dem Felsen (Leicester International Music Festival gyda Mark Simpson a Katya Apekisheva); Bach Schweigt stille, plaudert nicht (Ensemble Cymru); unawdydd ar gyfer y 26ain Ŵyl Corau Meibion Cymru Llundain (Royal Albert Hall); a Gweddi gan Arwel Hughes gyda Cherddorfa Genedlaethol y BBC o dan arweiniad Owain Arwel Hughes ar gyfer BBC Radio 3. Mae Llio hefyd wedi canu mewn datganiadau i  Garsington Opera, Gŵyl Gerddorol Caerdydd, Gŵyl Gerddorol Abertawe, Gŵyl Gerddorol Llandeilo, Gŵyl Gerddorioaeth Glasurol Conwy, ac Ensemble Cymru. 

​

Yn ystod y cyfnod clô mi fuodd Llio yn ysgrifennu parodïau (yn Gymraeg ac yn Saesneg), cyfieithiadau o ganeuon yn ogystal a deunydd gwreiddiol ar gyfer yr Eisteddfod Genedlaethol, Noson Lawen, yr Ŵyl Gerdd Dant a Charles Court Opera. Mae Llio yn gweithio fel animateur ar gyfer prosiect Future Directions gyda Music Theatre Wales a hi hefyd yw llywydd ar Côr Meibion Aberhonddu a'r Cylch.

​

Plîs cysylltwch â Steven Swales am fywgraffiad diweddar.